O pasado venres 5 de febreiro realizáronse as últimas probas de rodadura a alta velocidade do novo Boeing 747-8F que podeis ver no seguinte video.
Nesta proba, o avión Boeing alcanzou unha velocidade máxima de aproximadamente 90 nós (166,6 quilómetros por hora) e con iso, terminou coas probas en terra do Boeing 747-8F, a versión de carga da última versión de 747 que terá un alcance de 8.130 km e unha capacidade de carga de 140.000 kg.
Queda todo listo pois para que mañá, hoxe 8 de febreiro, faga o seu primeiro voo, de face á entrega do primeiro avión no último trimestre do ano a Cargolux, mentres que a versión de pasaxeiros non está previsto que entre en servizo ata o ano 2011.
Boeing retransmitirá este primeiro voo a través de Internet en 747-8 Freighter First Flight Webcast ás 7 da tarde, hora de España.
| « Corenta anos en servizo do Boeing 747 | Primeiro voo do Boeing 747-8F » |