O Ferrari F430 é un automóbil deportivo producido polo fabricante Ferrari que remplaza ao 360 Modena en 2005. Como o 360, ten un bastidor de aluminio e un motor de oito cilindros en V a 90° e a súa potencia chega ata os 490 CV, colocado en posición central traseira longitudinal. Ten un lonxitude de 4.512 mm de longo, 1.923 de ancho e 1.214 de alto; é algo máis longo, e case igual de ancho e alto que o 360. A batalla (2.600 mm) e as vías (1.669 e 1.616 mm) coinciden case exactamente coas do 360.

Como o 360 ten un fondo plano, distínguese dos dous por un aparatoso difusor traseiro. Este elemento, que tamén tiña o 360 pero máis pequeno, serve para acelerar o paso de aire baixo o coche cando avanza a gran velocidade.

A principal diferenza co motor de 3,6 l do 360 é que este ten 4.308 cm³ (de aí o seu nome). As medidas do novo motor son 92 x 81 mm; a carreira é proporcionalmente máis curta que no motor do 360.

A relación de compresión deste novo motor é aínda máis alta que a do anterior (11,3 a 1, en lugar de 11, 0). Debido a iso, alcanza un par máximo de 465 Nm, que é unha cifra extremadamente alta para un motor atmosférico do seu cilindrada (108 Nm/l, antes 104). Dá o par máximo a 5.250 rpm.

Tamén aumenta a potencia específica con relación ao motor do 360: 114 CV/l contra 112. O réxime de potencia máxima é 8.500 rpm, o mesmo que antes, e a zona vermella do cuentavueltas comeza xusto nese réxime.

Ferrari declara unha velocidade máxima de 315 km/h, unha aceleración de 0 a 100 km/h de 4 segundos e un consumo medio de 18,3 litros cada 100 km. O peso en condicións de homologación é 1.525 kg; xa que logo a relación entre peso e potencia é 3,11 kg/CV.

A caixa de cambios do 430 é automática de seis velocidades (tipo F1), e pódese manexar manualmente con mandos no volante. Ten un diferencial traseiro cun sistema de bloqueo controlado electrónicamente (denominado «E DIFF»).

Desde o volante pódese cambiar a resposta de varios elementos do coche para que se adapten a varias situacións de condución («manettino»).

Entre os elementos de equipamiento que ten de serie atópanse: catro airbags, control de estabilidade, faros bixenón, suspensión adaptativa, climatizador automático, interior en coiro, radio con lector de CD (compatible con discos MP3) e llantas de aleación de 19".

Opcionalmente, pode ter sensores de aparcamiento, asentos eléctricos e tapicerías e decoraciones especiais, entre outros elementos.

O F430 está á venda en versións coupé e convertible e o seu prezo esta a partir de 179.640 Euros.