Maserati S.p.A. é un fabricante italiano de automóbiles deportivos de luxo.

A marca italiana de automóbiles deportivos Maserati foi fundada en Bolonia por Alfieri Maserati en 1914 e celebrou o seu 90 aniversario en 2004. O emblema de Maserati é o tridente, inspirado na estatua de Neptuno que adorna a Praza Maior de Bolonia. A marca foi adquirida en 1937 polo empresario Adolfo Orsi, baixo cuxa dirección Maserati produciu os primeiros automóbiles nos que o luxo recibiu a mesma atención que a potencia.

En 1968 Maserati foi adquirida por Citroën, que á súa vez a vendeu en 1975 a un consorcio administrado polo ex piloto de Formula 1 Arxentino Alejandro de Tomaso. De Tomaso, con axuda do diseñador Ghia, creou algúns dos automóbiles máis interesantes de todos os tempos: Ghibli, Khasmin, Bora e Kyalami, e os modelos biturbo entre outros. Estes nomes foron tomados de famosos ventos do África e Asia. En 1993 Maserati pasou ao Grupo Fiat que, en 1999, converteuna en propiedade exclusiva de Ferrari. O Grupo Ferrari-Maserati no ano 2004 vendeu 9,565 automóbiles, dos cales 4,590 foron Maserati. As vendas de Maserati representaron un notable incremento do 62% con relación ao ano 2003. Gran parte deste crecemento debeuse á demanda do Maserati Quattroporte, o seu modelo de 4 portas.

Maserati fabrica tres modelos: Coupé/Spyder V8, Quattroporte e o exótico MC12. No 2006 a marca volveu ser propiedade directa de Fiat, que a agrupou con Alfa Romeo, coa que compartirá plataformas, compoñentes e canles de distribución.

Web oficial: Maserati